Тỹсĕм 06.11.2018

«Тỹсĕм» ярăмри кăларăмсенче эпир час-часах «вăрçă ачисен» шăпи пирки каласа кăтăртатпăр. Фашистсем пирĕн çĕре сĕмсĕррĕн таптанă чухне вĕсем ултă-çичĕ çултах аслисемпе юнашар тăрса тырпул çитĕнтернĕ, выльăх-чĕрлĕх пăхнă, Аслă Çĕнтерĕве туптанă, унтан çĕршыв экономикине çĕкленĕ.
Элĕк тăрăхĕнче çуралса ỹснĕ Геннадий Михайлов та ачаллах вăкăрпа суха тунă. Ашшĕ вăрçăра пуçне хурсан амăшĕ вĕсене ура çине туратнă.