ЧĂВАШ ТĔНЧИ 29.01.2021

Чăваш наци библиотеки ĕçлеме пуçланăранпа 150 çул çитнĕ. Çав ятпа кунта юбилей мероприятийĕсен марафонĕ пуçланнă. Библиотека ĕлĕкех уезд хулин культурăн тĕп вырăнĕ пулса тăнă. Музейсемпе театрсем вăл вăхăтра пулман. Вулавăш халĕ те паянхи кун таппинчен юлмасть, малта пырать. Цифра тытăмне алла илнĕ, электронлă кĕнекесене халăх юратса вулать, радиовулавсем йăлана кĕнĕ. Иртнĕ çулта мĕн тума ĕлкĕрни пирки Чăваш наци библиотекин тĕп специалисчĕ Вера Архипова каласа парать.