Хастар ача-пӑчана хӑйсем те ҫак спорт тӗсӗнче ӑсталӑхне туптанисем хавхалантараҫҫӗ. Хальхинче тупӑшӑва йӗркелекенӗ - Константин Миллин. Турнир вырӑнӗ - Лащ Таяпари уҫӑ тӳпе айӗнчи лапам. Ҫанталӑкӗ те спортсменсем майлӑ пулса кунӗпех хӗвелпе савӑнтарчӗ.
Турнира ирӗклӗ майпа кӗрешессине пуҫарса яракансенчен пӗрне, Европа чемпионачӗн кӗмӗл призерне Иван Григорьева халалланӑ. Республикӑн хисеплӗ кӗрешӳҫи ачасемпе ӑсталӑх урокӗ те ирттерчӗ.
Чӑваш Енӗн пӗрлештернӗ ушкӑнӗнче 10 ҫулти Михаил Миллин та пулчӗ. Вӑл кӑвак трикопа. Турнир хуҫи вырӑнӗнче хӑйне тивӗҫлипе кӑтартрӗ, 3 хут тупӑшӑва тухса 3 хут ҫӗнтерчӗ.
Ӑмӑрту пӗтӗмлетӗвӗ тӑрӑх "Туслӑх Кубокне" Чӑваш Ен ушкӑнӗ ҫӗнсе илнӗ, 2-мӗш вырӑн - чӗмпӗрсен, 3-мӗш - Тутарстанран килнӗ спортсменсем. Мари Элтан ҫитнӗ хастарсене асӑнмалӑх медальсемпе чысларӗҫ.
Алиса Александрова, Вячеслав Ильин
