Конкурса фермерсенчен 20 заявка йышӑннӑ. Тӑваттӑшне комисси документсенче ҫитменлӗхсем пулнӑран пӑрахӑҫланӑ. Ҫӗнтерӳҫӗсем ҫиччӗн. Виҫҫӗшӗ-Патӑрьел тӑрӑхӗнчен, ыттисем Комсомольски, Шупашкар, Сӗнтӗрвӑрри, Красноармейски районӗсенчен. Пилӗк проекчӗ выльӑх-чӗрлӗх ӗрчетессипе ҫыхӑннӑ, ыттисем тыр-пул, пахча-ҫимӗҫ туса илессипе ӗҫлесшӗн. Ҫемье фермисем валли грант виҫине кӑҫал 15 миллион тенкӗ таран ӳстернӗ, унччен вӑл 10 миллион пулнӑ. Пурлӑхпа техника никӗсне ҫирӗплетес тӗллевпе 6 кооператив заявка тӑратнӑ. Комисси пӗрне кӑна ырланӑ. Пулӑшӑва, 39 миллион тенке яхӑн, "Агро-Союз" кооператив илет. Укҫана грант хуҫисем патне ҫак уйӑх вӗҫӗччен ҫитерме шантараҫҫӗ ял хуҫалӑх министерствинче. Кооперативсем валли уйӑрнӑ укҫана валеҫсе пӗтерменнине кура тепӗр хут конкурс ирттерме йышӑннӑ. Документсене ҫу уйӑхӗн 28-мӗшччен ҫитермелле.
Екатерина Фомина, Вадим Владимиров
