Етӗрнери сӗт завочӗ ҫулсерен аталанса пырать, ҫӗнӗ технологисене пурнӑҫа кӗртеҫҫӗ. Предприятире куллен 200 тонна ытла чӗр тавар тирпейлеҫҫӗ. Кунта 100 ытла тӗрлӗ юр-вар туса кӑлараҫҫӗ. Продукципе кӳршӗ регионсене те тивӗҫтереҫҫӗ. Уяв умӗн предприятире ҫӗнӗ лини хута ячӗҫ. Вӑл сехетре 8 пин кӗленче сӗт кӑларма май парать. "Ядринмолоко" пӗрлешӳ пурнӑҫпа тан утма тӑрӑшать, хӑйӗн умне пысӑк тӗллевсем лартать. Кунта сыр, мороженӑй тата ача-пӑча апачӗ кӑларма палӑртаҫҫӗ. Кӑҫал кӗркунне вара завод тавар туянакансене Д витаминпа пуян сӗтпе савӑнтарӗ. Утӑ уйӑхӗн 17-мӗшӗнче завод умӗнчи лаптӑкра пысӑк уяв пулать. Пухӑннисене чӑваш эстрада ҫӑлтӑрӗсем, ҫавӑн пекех Викор Рыбинпа Наталья Сенчукова тата "Турбомода" ушкӑнри Евгений Холмский юрӑҫсем тӳлевсӗр концерт кӑтартӗҫ.
Елена Дмитриева, Владимир Синдеев
![](https://px201.medhills.ru/s.gif?mh_id=777c56a4b49d816169e518f01a42b09d&mh_news=\"Ядринмолоко\" ҫавра ҫулне паллӑ тума хатӗрленет &mh_tags=молоко,&mh_page=http://chgtrk.ru/novosti/selskoe-hozyaystvo/yadrinmoloko-cavra-culne-palla-tuma-haterlenet/){kind=small}