Фермер шкулӗн черетлӗ вӗренӳ курсӗнче - 49 ҫын. Парта хушшине ларнисен йышĕ хальхинче нихçанхинчен пысăк. Россельхозбанк пуçарнă проект ырă ят çĕнсе илни куçкĕрет. Пирвайхи виçĕ ушкăнра вӗреннисем сыр хатĕрлес, улма-çырла туса илес, теплицăра пахча-çимĕç ÿстерес, пулă ĕрчетес ӗҫӗн вӑрттӑнлӑхӗсене тӗпченӗ. Хальхинче çĕнĕ енӗпе пӗлӳ илме пулать.
Вӗренӳ программине кӑсӑк та пуян йӗркелеме тӑрӑшрӑмӑр, - тет Аграри университечӗн ректорӗ Андрей Макушев. Сӑмахран, хальхинче ялти туризм пирки лекци вулама Питӗр хулинчен экспертсене чӗнсе илнӗ. Ҫавӑн пекех Фермер шкулӗнче финанс, юридици пӗлӗвне пуянлатма пулать. Хальччен унта 87 ҫын пӗлӳ илнӗ. Вӗренӳ проектне йӗркелекенсем вӗсемпе тачӑ ҫыхӑну тытаҫҫӗ, кашнин аталану ҫулне асӑрхаса тӑраҫҫӗ. Ял хуҫалӑхӗнче ӗҫлес текенсене патшалӑх тӗрев кӳме хатӗр, - терӗ Сергей Артамонов министр. Ал-ура ҫавӑрса яма Агростартап грант пулӑшаять. Сӑмах май, фермер шкулне пӗтернисен патшалӑх укҫи-тенкине тивӗҫес шанӑҫ пысӑкрах.
Тепӗр 2 уйӑхран фермер шкулӗнче вӗренекенсем бизнес-план хӳтӗлесе аллине документ илӗҫ.
Екатерина Фомина, Лидия Галактионова, Виктор Степанов
