Республикӑра 30 талӑк ытла типӗ те шӑрӑх ҫанталӑк тӑрать. Метеостанцисен сӑнавӗпе, ҫурла уйӑхӗнче 3 миллиметр кӑна ҫумӑр ҫунӑ. Ку вӑл нормӑн 5 проценчӗ ҫеҫ. Сывлӑш температурин вӑтам кӑтартӑвӗ вара 21,9 градуспа танлашнӑ. 2010-мӗш ҫулта вӑл пӗчӗкрех пулнине палӑртаҫҫӗ синоптиксем. Малтанласа шутласа пӑхнӑ тӑрӑх, хуҫалӑхсем 67 миллион ытла тенкӗлӗх тӑкак тӳснӗ. "Пирӗн ҫак ҫухатусене саплаштармалли пӗрлехи ҫул-йӗре палӑртмалла", - терӗ Олег Николаев Правительство ҫуртӗнче ирттернӗ ятарлӑ комисси ларӑвӗнче.
Екатерина Фомина, Владимир Тимофеев, Вадим Владимиров
