Выльӑх-чӗрлӗх усракансен яланах сыхӑ пулмалла, асӑрхаттараҫҫӗ ветслужбӑра. Сыснасен африка мурӗ, кайӑк-кӗшӗк гриппӗ - юлашки вӑхӑтра ял ҫыннисемпе пысӑк хуҫалӑхсене шар кӑтартакан сӑлтав нумайлансах пырать. Халӗ тата сурӑхпа качакасен шатра чирӗ сарӑлас хӑрушлӑх пысӑк. Ҫавна май Ҫӗрпӳ районӗнче пысӑк вӗренӳ йӗркеленӗ. Ку мур ҫын сывлӑхӗшӗн хӑрушӑ мар. Анчах выльӑх-чӗрлӗх йышлӑ вилет. Чылай чухне чирлӗ сурӑх-качака путексене ертет, инфекци шывпа тата апат урлӑ та сарӑлма пултарать. Ҫапах та выльӑха маларах вакцинацилени инкекрен ҫӑлса хӑварма пулӑшать, палӑртаҫҫӗ ветеринарсем.
Ирина Николаева, Игорь Зверев
