Йӗпреҫ районӗнчи Липовкӑри шкулта ҫамрӑк армеецсен юхӑмӗ ӑнӑҫлӑ аталанать. Ачасем сывлӑха ҫирӗплетеҫҫӗ, стройпа утма, ҫар ӗҫӗнчи тӗрлӗ командӑна пурнӑҫлама хӑнӑхаҫҫӗ. Ачасем районта е республикӑра иртекен ҫарпа спорт ӑмӑртӑвӗсене сиктермеҫҫӗ. Вӗренекенсем тупӑшусене хӑйсен вӑйне ӗненсе хутшӑнаҫҫӗ, час-часах ҫӗнтерӳпе таврӑнаҫҫӗ. Ҫӗмӗрлери ӑмӑртура ҫарпа спортӑн 5 енӗпе тупӑшу иртнӗ. Автомата салатса пуҫтарассипе тата авӑрлассипе 8-мӗш класра вӗренекен Денис Васильев лайӑх кӑтартусемпе палӑрнӑ.
Алена Артемкина, Димитрий Макаров
