"Паттӑрсен вӑхӑчӗ" ҫарпа спорт сменинче республикӑри тӗрлӗ округпа хуларан 14 ҫултан пуҫласа 17 ҫулчченхи 500-е яхӑн ҫамрӑк канать. Вӗсем ҫар ӗҫне хӑнӑхнисӗр пуҫне, ҫӗнӗ юлташсем тупаҫҫӗ, сывлӑхне ҫирӗплетеҫҫӗ. Григорий Васильев ҫӗршывӑн пулас хӳтӗлевҫисене пӗрремӗш медицина пулӑшӑвӗ пама вӗрентет. Кунта пухнӑ пӗлӳ ачасене пурнӑҫра сиксе тухакан йывӑрлӑхсенче ҫухалса каймасӑр, вӗсене хӑвӑрт та тӗллевлӗн татса пама пулӑшасса шанать.
Республикӑра ачасене патриотла воспитани парассине пысӑк тимлӗх уйӑраҫҫӗ. "Воин" центрӑн филиалӗ нумай пулмасть уҫӑлнӑ. Вӗсем тӑрӑшнипе Чӑваш Енри кану лагерӗсенче ҫарпа спорт темине халалланӑ сменӑсем йӗркелеҫҫӗ. Чи малтан кун пек вӗрентӳ "Солнышко", халӗ "Звездный» лагерьте уҫнӑ.
Оксана Верликова, Михаил Солин
![](https://px201.medhills.ru/s.gif?mh_id=777c56a4b49d816169e518f01a42b09d&mh_news="Звездный" лагерьте «Ҫамрӑк паттӑрсен вӑхӑчӗ» ятлӑ смена уҫӑлчӗ&mh_tags=чувашский выпуск,&mh_page=http://chgtrk.ru/novosti/nacionalnye-novosti/zvezdnyy-lagerte-camrak-pattarsen-vahache-yatla-smena-ucalche/){kind=small}