Зинаида Воронова халӑх ӑсти ҫамрӑксен пуҫарӑвне хапӑлласах йышӑннӑ. Проект авторӗпе - Алексей Енейкинпа тата "Хастар" ушкӑн пайташӗпе Александр Герасимовпа пӗрле вӗсем малтанах 100 ҫултан иртнӗ Анна Иванова ветеран патне ҫитнӗ. Сӑнӳкерчӗксем туса Ҫӗнтерӳ кунӗ тӗлне ҫак баннера хатӗрленӗ. Ӑна хула администрацийӗ пулӑшнипе Шупашкарти транспорт чарӑнӑвӗн павильонӗсенче вырнаҫтарнӑ. Пӗрне вара 3 метр ытла ҫӳллӗш хатӗрлесе Конгресс ҫурчӗ ҫумне ҫирӗплетнӗ. Ҫӗршывӑн аслӑ уявне халалланӑ плакатра сумлӑ ветеран паянхи ҫар салтакӗсене те "Эпир ҫӗнтеретпӗр!" тесе хавхалантарать. Баннера хатӗрлеме конгресс вице-президенчӗ Николай Угаслов пулӑшнӑ.
Владимир Тимофеев
