Конкурса пурӗ 120 заявка панӑ. Тӳресем вӗсенчен ҫуррине суйласа илнӗ. Вӑл шутра профессиллӗ юрӑҫсем те, студентсем те пур. Чӑваш Енрен конкурса 9 ҫын хутшӑнать. Вӗсенчен пӗри Оперӑпа балет театрӗн солисчӗ Максим Карсаков.
Конкурса пӗрремӗш хут 2022-мӗш ҫулта ирттернӗ. Ӑна ҫулталӑк сиктерсе йӗркелме йышӑннӑ. Кӑҫалхи тупӑшу тата кӑсӑклӑрах пуласса шанаҫҫӗ йӗркелӳҫӗсем. Конкурса тӗрлӗ регионтан кӑна мар, чикӗ леш енчен те юрӑҫсем хутшӑнаҫҫӗ. Чжан Мэньюй - Китайран. Вӑл 3-мӗш ҫул Мускавра вӗренет. Конкурсра вӑл Шуракӑш тата Юр пике арисене шӑрантарӗ. Тӳресен йышӗнче вара Пысӑк театр тата "Геликон опера" солисчӗсем Ирина Долженкопа Александр Киселев, Хор искусствин академийӗнче вӗрентекен Наталья Попова тата Раҫҫейри театр ӗҫченӗсен союзӗн хастарӗ Ольга Кораблева. Вӗсем юрӑҫсен ӑсталӑхне ҫирӗп хаклама шантарчӗҫ. Чи пултаруллисем гала-концерта хутшӑнма тивӗҫ пулӗҫ. Гран-при хуҫине вара 150 пин тенкӗ преми кӗтет.
Надежда Александрова, Святослав Петров
![](https://px201.medhills.ru/s.gif?mh_id=777c56a4b49d816169e518f01a42b09d&mh_news=Шупашкарта опера юрӑҫисен "Голоса над Волгой" Пӗтӗм Раҫҫейри конкурсӗ пырать&mh_tags=чувашский выпуск,&mh_page=http://chgtrk.ru/novosti/nacionalnye-novosti/shupashkarta-opera-yuracisen-golosa-nad-volgoy-petem-racceyri-konkurse-pyrat/){kind=small}