Сумлӑ хӑнасене сад ертӳҫи Юрий Соколов ҫӑкӑр-тӑварпа хапӑл турӗ. Хисеплӗ ушкӑнра чылай паллӑ боксёр: Валерий Львов, Валерий Лаптев, Владимир Мельник, Сергей Константинов, Эдуард Иванов тата ыттисем те. Малтанах пухӑннисем Раҫҫей ялавне ҫӗклесе пӗрремӗш отрядри космонавтсене халалланӑ палӑк умне чечексем хучӗҫ. Унтан ятарласа хатӗрленӗ шӑтӑксене 5 кӑвак чӑрӑш лартрӗҫ. Ятлӑ-сумлӑ боксерсене ҫамрӑк спортсменсем пулӑшрӗҫ. Сывӑ пурнӑҫ йӗркине кӑмӑллакансем кунта ҫӗкленекен часовня стени ӑшне вара вӑхӑт капсули хурса хӑварчӗҫ.
Алексей Енейкин, Виктор Чугаров
