Иккассинчи ҫӗнӗ спорт лапамне пахалама ҫын йышлӑ пухӑнчӗ. Ялта 463 ҫын пурӑнать, ҫав шутра 140 ытла ҫамрӑк. Спорт площадкипе пурте усӑ курма пултараҫҫӗ. Вӑл икӗ пайран тӑрать: пӗри - ҫулла волейболла, футболла, баскетболла, хӗлле - хоккейла вылямалли уйрӑм вырӑн. Тепри - ҫулталӑкӗпех усӑ курмалли-кунта тренажерсем, чуччусем, саксем вырнаҫтарнӑ.
Ял тӑрӑхӗсене аталантармалли патшалӑх программи республикӑра ӑнӑҫлӑ пурнӑҫланса пырать. Кӑҫал 8 проект хута ямалла - пурӗ 15 миллион ытла тенкӗлӗх ӗҫ тумалла. Ялшӑн пӗлтерӗшлӗ объекта уҫнӑ май, Иккассинче савӑнӑҫлӑ концерт та иртрӗ. Чӑваш эстрада юрӑҫисем уява пухӑннисене хӑйсен пултарулахӗпе савантарчӗҫ.
Надежда Александрова, Степан Гурьянов.
