Паянхи куна республикӑри обществӑлла сӑнав штабӗ 14 пӗрлешӳпе килӗшӳ алӑ пуснӑ. Пирӗн телерадиокомпанире иртнӗ тӗл пулура ҫак кунсенче 3 организаципе килӗштерсе ӗҫлеме калаҫса татӑлчӗҫ. Вӑл шутра ветерансен республикӑри канашӗпе, Чӑваш обществӑпа культура центрӗпе тата Афганистан вӑрҫин инваличӗсен республикӑри пӗрлешӗвӗпе. Сӑнавҫӑсем пуш уйӑхӗн 15,16,17-мӗшсенче суйлав участокӗсене ҫитсе сасӑлав еплерех пынине асӑрхаса тӑрас тӗллевлӗ.
Надежда Александрова, Светлана Позднякова, Игорь Ульянов
