Конкурсӑн сумӗпе шайӗ ҫулран-ҫул ӳссе пырать. Кӑҫал ӑсталӑх тупӑшӑвӗ 33 енпе иртрӗ. Вӑл шутра 7 ҫӗнӗ ӑмӑрту: флористика, вокал, библиотека ӗҫӗ тата ытти те. Конкурса шкул ачисемпе студентсем, ӗҫлекен ҫамрӑк специалистсемпе пӗрлех ятарлӑ ҫар операцийӗн ветеранӗсем те хутшӑнчӗҫ. Шупашкарти Экономикӑпа технологи колледжӗнче тупӑшу 7 енпе иртрӗ. Студентсем хӑйсен пӗлӗвне экономикӑпа бухгалтер ӗҫӗнче те кӑтартса пачӗҫ. Студентсем компьютерпа бухгалтер программинчи ӗҫсене турӗҫ. "Ҫакӑнта хутшӑнни ҫӗнӗ пӗлӳ парать, унпа вара малашне усӑ курӑпар", - терӗҫ вӗсем.
Ҫӗвӗҫсен те тупӑшу кӑсӑклӑ пулчӗ. Уйӑрнӑ вӑхӑтра пӗрисем юбка-брюки, теприсем блузка ҫӗлерӗҫ. Конкурсра мала тухнисем республика чысне Мускавра пулакан "Абилимпикс" наци чемпионачӗн финалӗнче хӳтӗлӗҫ.
Оксана Верликова, Святослав Петров
![](https://px201.medhills.ru/s.gif?mh_id=777c56a4b49d816169e518f01a42b09d&mh_news=Республикӑра 9-мӗш хут "Абилимпикс-2025" наци чемпионачӗ иртрӗ&mh_tags=чувашский выпуск,&mh_page=http://chgtrk.ru/novosti/nacionalnye-novosti/respublikara-9-mesh-hut-abilimpiks-2025-naci-chempionache-irtre/){kind=small}