Люстрӑна чӑн малтан 8 метр ҫӳллӗшӗнчен антармалла пулчӗ. Ун хыҫҫӑн харӑсах 8 ҫын ӗҫе пикенчӗ.
Театрти тӗп ҫутӑ хатӗрӗн йывӑрӑшӗ 400 кило. Ун валли 400 ытла лампочка кирлӗ. Хрусталь шӑрҫасен шучӗ вара пинрен те ытла. Кашни пайне ҫуса тасатмалла. Люстрӑна хай вӑхӑтӗнче музыка училищинче вӗренекенсем пуҫтарнӑ. Вӗсен йышӗнче театрӑн труппа ертӳҫи Константин Ефремов та.
Люстрӑна ҫулталӑкра пӗр хут ҫуса тасатаҫҫӗ Ҫапла майпа вӑл сезон уҫӑлнине систерет. Сӑмах май, ҫӗнӗ пултарулӑх тапхӑрӗ авӑн уйӑхӗн 12-мӗшӗнче гала-концертпа уҫӑлать. Унта иртнӗ сезонти премьерӑсен сыпӑкӗсене кӑтартӗҫ. Чи лайӑх номерсене театрти "Признание" премие парса чыслӗҫ.
Раштав уйӑхӗнче труппа Беларуҫе ҫитме палӑртать. Минскри куракансем "Главный вопрос" космос оперине хаклама пултарӗҫ.
Надежда Александрова, Михаил Солин
