Экологи уявне ача сатне ҫӳрекенсемпе шкул ачисем хутшӑнчӗҫ. Вӗсене валли 20 ытла лаптӑк йӗркеленӗ. Пухӑннисем республикӑри ӳсен-тӑран тата чӗр-чун тӗнчипе паллашрӗҫ, микроскоп витӗр кӑсӑкланса сӑнарӗҫ, экологипе ҫыхӑннӑ ӳкерчӗксем турӗҫ тата ытти те.
Уяври вӑйӑсем те экологипе ҫыхӑннисем пулчӗҫ. Шахмат вырӑнне тӗрлӗ тӗслӗ хупкӑчсемпе усӑ курчӗҫ. Ачасем хӑйсем те ӑпӑр-тапӑра мӗншӗн уйрӑм пуҫтармаллине, вӗсене ҫӗнӗ пурнӑҫ парнелеме пулнине кӑтартса, ӑнлантарса пачӗҫ. Тӗслӗхрен, 800 алюмини банкинчен ҫӗнӗ велосипед тума пулать.
"Симӗс Чӑваш Ен" фестивалӗн тӗп тӗллевӗ те - ҫитӗнекен ӑрӑва мӗн пӗчӗкрен ҫут ҫанталӑка упрама, унпа типтерлӗ усӑ курма вӗрентесси.
Оксана Верликова, Павел Иритков
![](https://px201.medhills.ru/s.gif?mh_id=777c56a4b49d816169e518f01a42b09d&mh_news=Наци библиотекинче "Симӗс Чӑваш Ен" фестиваль иртрӗ&mh_tags=чувашский выпуск,&mh_page=http://chgtrk.ru/novosti/nacionalnye-novosti/naci-bibliotekinche-simes-chavash-en-festival-irtre/){kind=small}