Культурӑпа искусствӑсен институтӗнче студентсем самантлӑха театр асамлӑхне путрӗҫ. Ку енпе 5 ҫамрӑк тупӑшрӗ. Вӗсен вырӑс классикӗсен хайлавӗсене илемлӗ вуланипе пӗрлех автора е тӗп сӑнара та калӑпламалла пулчӗ. Хӗрсемпе каччӑсем тӗплӗн хатӗрленнӗ. Вӗсемпе ӑста педагогсем ӗҫленӗ.
Шупашкарти экономикӑпа технологи колледжӗнче тепӗр ҫӗнӗ тупӑшу - клининг пулчӗ. Урӑхла каласан - хваттерсене, офиссене ҫуса тасатасси. Ҫак тытӑм хальхи вӑхӑтра анлӑ сарӑлса пырать. Хӑйсен вӑхӑтне перекетлес текенсем ятарласа клининг компанийӗнчи специалистсене чӗнеҫҫӗ. Сывлӑхӗ хавшак ачасемшӗн ку ӑсталӑха алла илни уйрӑмах усӑллӑ. Вӗсем ӗҫе хӑнӑхаҫҫӗ, хӑйсен вӑйне туйса илеҫҫӗ. Конкурс 2 пайлӑ пулчӗ. Ҫамрӑксем малтан чӳрече ҫурӗҫ, унтан кавир тасатрӗҫ.
Конкурса хутшӑнакансем уйӑх ытла ӑсталӑхне туптанӑ. Ку е вӑл хатӗрпе усӑ курма хӑнӑхнӑ. Экспертсем кашни ӗҫе тӗплӗн хакларӗҫ. Кӑҫал "Абилимпикс" чемпионата пӗтӗмӗшле 24 енпе 154 ҫын хутшӑнчӗ. Ку тупӑшу студентсене хӑйсене кӑтарнитне пӗрлех ӗҫе вырнаҫма май парать.
Диана Иванова, Игорь Ульянов
