Ялти шкулпа чиркӳ хушшинче вырнаҫнӑ хӑтлӑ спорт лаптӑкӗ ачасемшӗн чунтан савӑнмалли вырӑн пулса тӑнӑ. Кунта тӗрлӗ ӑмӑрту, вӑйӑсемпе уявсем ирттерме меллӗ. Ҫӑва тухсан вара чи малтанхи уявсенчен пӗри - ача пӑча Акатуйӗ. Шӑпӑрлансем валли аслисем авалхи йӑла-йӗркепе паллаштаракан тупӑшусем, вӑйӑсем хатӗрленӗ. Пӗчӗккисем вара юмахри сӑнарсемпе киленме пултарчӗҫ. Ача-пӑча кулли янранӑ чух ял пурӑнать-ха,- тесе лащтаяпасем ҫакӑн евӗр уявсем тӑтӑшах йӗркелеме палӑртаҫҫӗ.
Алексей Енейкин
