"ПРОдвижение БЕЗопасности" ят панӑ акци харӑсах 40 субъекта пӗрлештерет. Унта пурӗ 160 пин водителе явӑҫтарасшӑн. Социаллӑ акци пирӗн республикӑри 3 автозаправка станцийӗнче иртӗ. Вӗсенче водительсене хӑвӑртлӑх йӗркине пӑхӑнмаллине асӑрхаттарӗҫ. Ҫак ӗҫ-пуҫа аварисен шутне чакарас тӗллевпе йӗркелеҫҫӗ. Кӑҫалхи 9 уйӑхра Чӑваш Енри ҫулсем ҫинче 583 инкек пулнӑ, вӗсенче 79 ҫын пурнӑҫӗ татӑлнӑ, 747-шӗ аманнӑ. Чи нумай авари Шупашкарта шута илнӗ - 213. Тӗп сӑлтавӗ шӑпах хӑвӑртлӑх йӗркине пӑхӑнманни.
Надежда Александрова, Екатерина Янгалакова
