Пухӑннисене малтанах Вӗренӳ министрӗ Дмитрий Захаров видеоҫыхӑну мелӗпе саламларӗ. Крым Раҫҫейӗн историлле пайӗ пулнине фактсемпе ҫирӗплетрӗ. Ҫурутраври медиакоммуникаци институчӗн директорӗ Александр Мащенко та Крым Раҫҫейпе 1783-мӗш ҫултах - Кӗтерне патша вӑхӑтӗнчех пӗрлешнине палӑртрӗ. Халӗ нумай ҫӗрте ҫак пулӑма халалласа палӑксем лартнине каларӗ. Калаҫӑва ҫавӑн пекех Севастопольти чӑвашсен наципе культура обществин ертӳҫин ҫумӗ Светлана Данилова хутшӑнчӗ. Вӑл 40 ҫул ҫак хулара пурӑнать. Ҫамрӑксем нумай ҫӗннине пӗлнине, кун пек тӗл пулусем кирлине палӑртрӗҫ.
11 ҫул каялла Крымра пулса иртнӗ ӗҫ-пуҫ - ҫынсем хӑйсен историне манманнине кӑтартса паракан пулӑм. Иртнине асра тытмасан, пуласлӑх та иккӗленӳллӗ, терӗҫ лекцие хутшӑнакансем. Крымпа Раҫҫей пӗрлешнӗ куна малашне те патшалӑх уявӗ пек анлӑ ирттерӗҫ.
Надежда Александрова, Вадим Владимиров
