Шкул хута каясса вӗрентекенсем те, ачасемпе ашшӗ-амӑшӗ те чӑтӑмсӑррӑн кӗтнӗ. Малтанхине 65 процент юхӑннӑ тесе йышӑннӑ. Ҫавӑнпа та пӗлтӗр нарӑс уйӑхӗнче ҫӗнӗ ҫурт тума пуҫланӑ. 3 хутлӑ пӗлӳ учрежденийӗ 375 вӗренекене йышӑнма пултарать.
Ҫӗнӗ шкула тума 340 миллион тенке яхӑн усӑ курнӑ. Ытларах пайне ҫӗршыв хыснинчен уйӑрнӑ. Республикӑпа муниципалитет та укҫа хывнӑ. Ҫутӑ классем, хальхи йышши лабораторисем, пултарулӑх пӳлӗмӗсем, спорт тата акт залӗсем, вулавӑш - ачасене аталанма мӗн кирлине пӗтӗмпех шута илнӗ кунта. Агротехнологи енӗпе пӗлӳ памалли майсене те йӗркеленӗ.
Диана Иванова, Дарья Петрова, Игорь Ульянов
