"Юрлакан фонтансен хули" ятпа Шупашарта 3-мӗш конкурс-фестиваль иртрӗ

Кӑҫал конкурса хутшӑнакансем уйрӑмах йышлӑ пулнӑ. Утӑ уйӑхӗнче суйлав тапхӑрӗ иртнӗ. Тӳресем 90 ытла юрӑ итлесе хак панӑ. Чи пултаруллисем Шупашкар уявӗн тӗп сцени ҫине тухрӗҫ. Лауреат ятне 15-ӗн тивӗҫрӗҫ. 

Пултарулӑх конкурсӗ ҫӗнӗ ятсем уҫма пулӑшать. Анна Черкесовапа Юлия Николаева тата Алексей Хураськин нумай пулмасть пӗр ушкӑна чӑмӑртаннӑ. "Каҫхи Шупашкар" триора та малӗмӗтлӗ юрӑҫсем пуҫтарӑннӑ: Алина Иванова, Людмила Московская тата Николай Михайлов. Вӗсен репертуарӗнче эстрада тата халӑх юррисем. Вӑл шутра чӑвашла та, вырӑсла та. 

Илья Павлов 53-мӗш шкулти кадет класӗнче вӗренет. Вӑл "Атӑл" батальона халалласа юрӑ ҫырнӑ. Гала-концертра та ытларах патриотла юрӑсем шӑрантарчӗҫ. 

Ҫак кун Шупашкара халалланӑ ача-пӑча ӳкерчӗкӗсен конкурсне те пӗтӗмлетрӗҫ. Унта 70 ытла лауреата паллӑ турӗҫ. 

Надежда Алексадрова, Михаил Солин