Уява культура ҫурчӗсенче, библиотекӑсенче, музейсемпе архивсенче ӗҫлекенсем, театрсен ертӳҫисемпе артистсем, юрӑҫсем пухӑнчӗҫ. Пултарулӑх ҫыннисем куллен пӗлтерӗшлӗ ӗҫ туса пыраҫҫӗ. Ахальтен мар республикӑра ҫак тытӑм аталанӑвне пысӑк тимлӗх уйӑраҫҫӗ. Иртнӗ ҫул пӗрремӗш хут ҫӗршыв шайӗнчи ача-пӑча фольклориадине, "Песни России" фестиваль ирттернӗ, тӗрленӗ Раҫҫей карттине пахаланӑ. Муниципалитетсенче ҫӗнӗ вулавӑшсемпе культура ҫурчӗсем, кино залӗсем уҫнӑ. Ҫак ӗҫ кӑҫал та малалла пырать.
Пухӑннисене Республика Пуҫлӑхӗ Олег Николаев саламларӗ. Ҫамрӑксене патриотла воспитани парассинче культура пӗлтерӗшӗ пысӑк пулнине палӑртрӗ. Професси кунӗнче чи тӑрӑшуллисене наградӑсем парса чысларӗҫ.
Уявпа ҫавӑн пекех Патшалӑх Думин депутачӗ Анатолий Аксаков, Чӑваш Патшалӑх Канашӗн председателӗ Леонид Черкесов, Тутар Республикин культура министрӗ Ирада Аюпова тата Раҫҫей этнографи музейӗн пуҫлӑхӗ Юлия Купина саламларӗҫ. Филармони артисчӗсем вара мюзикл парнелерӗҫ.
Диана Иванова, Вадим Владимиров
