Геннадий Волковӑн "Асамлӑ турпас" хайлавӗнчи тӑп сӑнарсене Аделина Дмитриевӑпа Антон Николаев ӗненӳллӗ выляҫҫӗ. Сценари тӑрӑх, упӑшкипе арӑмӗ пӗр-пӗринпе харкашса, хирӗҫсе пурӑнаҫҫӗ. Ҫамрӑк арӑма ялти кинеми ӑс парать - мӑшӑрӗ киле таврӑнсан ҫӑвара "асамлӑ турпас" хума сӗнет. Ҫапла вара арӑм та шӑп пулать, вӑрҫма чарнать, упӑшка та ырӑ енне улшӑнать. Юпа уйӑхӗнче иртнӗ регионсем шайӗнчи "Вдохновение" конкурсра ҫамрӑк артистсен ӗҫне пысӑка хурса хакланӑ. Ытти пултарулӑх ушкӑнӗсем хушшинче Чурачӑкри вӑтам шкулта вӗренекенсем пӗрремӗш вырӑн ҫӗнсе илнӗ. Арҫыначасемпе хӗрачасем "Ҫӑлкуҫ" кружокра хӑйсен пултарулӑхне туптаҫҫӗ. Вӗсене вӗрентекенӗ - чӑваш чӗлхипе литература учителӗ Венера Иванова.
Елена Дмитриева, Михаил Солин
![](https://px201.medhills.ru/s.gif?mh_id=777c56a4b49d816169e518f01a42b09d&mh_news=Ҫӗрпӳ районӗнчи Чурачӑкри вӑтам шкулти \"Ҫӑлкуҫ\" кружока ҫӳрекенсем \"Вдохновение\" конкурсра ҫӗнтернӗ&mh_tags=цивильский район,школа,театр,&mh_page=http://chgtrk.ru/nac/novosti/obshchestvo/cerpy-rayonenchi-churachakri-vatam-shkulti-calkuc-krujoka-cyrekensem-vdohnovenie-konkursra-centerne/){kind=small}