"Страж" спецназӑн ӗҫӗ-хӗлӗпе 80 ытла ача паллашрӗ. Вӑл шутра Шупашкарти 31-мӗш, 47-мӗш тата 65-мӗш шкулсенчи кадет класӗсенче вӗренекенсем. Пухӑннисене ведомство ертӳҫи Анатолий Скворцов саламланӑ май, кӑҫал тытӑма пуҫарса янӑранпа 34 ҫул ҫитнине, ҫак вӑхӑтра кунта тӑрӑшакансем пысӑк ҫитӗнӳсем тунине, пӗрре мар паттӑрлӑхпа палӑрнине каларӗ. Тӗл пулу ачасемшӗн нумайлӑха асра юлӗ.
Спецназовецсем ҫамрӑксене хӑйсен ӑсталӑхне кӑтартрӗҫ. 10 метр ҫӳллӗшне ҫӑмӑллӑнах парӑнтарчӗҫ. Спорт хатӗрленӗвӗ ӗҫре пысӑк пӗлтерӗшлӗ пулнине палӑртрӗҫ. Вӗренекенсене службӑра усӑ куракан автомобиль рулӗ умне ларса курни уйрӑмах кӑмӑлӗсене кайрӗ.
Оксана Верликова
