чувашский выпуск

Коммуналлӑ пулӑшу ӗҫӗсемшӗн ытларах тӳлеме тивӗ

Ҫитес ҫулхи утӑ уйӑхӗнчен тарифсем  5 тулли те 4 вуннӑмӗш процент таран ӳсме пултараҫҫӗ. Кун пирки Чӑваш Енри конкурентлӑ политика тата тарифсен служби пӗлтерет.  

Уншӑн театр - кил, кил - театр

Чӑваш патшалӑх академи драма театрӗн артисчӗ, паллӑ режиссёр Иван Иванов паян ҫавра ҫулне паллӑ тӑвать. 65 тултаракан Чӑваш халӑх артисчӗ чӗрӗк ӗмӗр ӗнтӗ аслӑ шкулта вӗренекенсене ӳнерпе тӑван культурӑн пуянлӑхне ӑнланма пулӑшать. 

Республикӑри 7 больницӑра арт-терапи кӗтесӗ йӗркелеҫҫӗ

Унта ковидпа чирлекенсене сыватакан тухтӑрсем канса вӑй илме пултарӗҫ.  "Радуга" культурӑпа курав центрӗ тата республикӑри Сывлӑх сыхлавӗн министерстви Президент гранчӗ пулӑшнипе социаллӑ проект хатӗрленӗ. 

Хоккейла выляма та, конькипе ярӑнма та пулать

Кӑҫал Шупашкарти шкулсенче 15 каток тунӑ. Сывӑ пурнӑҫ йӗркине пӑхӑнакансемшӗн тивӗҫлӗ майсем йӗркеленӗ. 

Улатӑр районӗнчи Кире поселокӗнче ват ҫынсемпе сусӑрсен сывлӑхне ҫирӗплетмелли центр тӑваҫҫӗ 

Ӑна "Демографи" наци проекчӗпе килӗшӳллӗн "Аслӑ ӑру" программа пулӑшнипе  хута ярӗҫ.  Центра больница пулнӑ ҫуртра йӗркелеҫҫӗ. 

Шупашкар районӗнчи ял хуҫалӑх кооперативӗ ҫӗнӗ  цех хута ячӗ

2016-мӗш ҫултанпа ял хуҫалӑх потребителӗсен кооперативӗсене патшалӑх тӗрев кӳрет. Пирӗн республикӑра 14 пӗрлӗх гранта тивӗҫнӗ. Шупашкар районӗнчи "Деревенский дворик" кооператив та ҫак пулӑшупа усӑ курнӑ. Унӑн ӗҫӗ-хӗлӗпе Чӑваш Ен Пуҫлӑхӗ Олег Николаев паллашрӗ. 

Республикӑри поликлиникăсенче короновирусран хӳтелекен прививка тума пуҫланӑ

Вакцинацие икӗ тапхӑрпа ирттереҫҫӗ. Чи малтан халӑхпа хутшӑнакансене прививка тума йышаннӑ - тухтӑрсене, социаллӑ тытамра ӗçлекенсемпе учительсене.

Патӑрьел районӗнчи Кивӗ Катекре тӗпрен юсанӑ хыҫҫӑн ял клубне уҫрӗҫ 

Ӑна регионти "Культурная среда" проектпа килӗшӳллӗн пурнӑҫлама май килнӗ. 

Ҫамрӑксен театрӗнче "Чӑнкӑ чӑвашсем шапашкӑра" фильм презентацийӗ пулчӗ 

Ятӗнченех ӑнланма пулать, унта хальхи чи ҫивӗч ыйтусенчен пӗрне хускатнӑ - ентешсем укҫа ӗҫлесе илме аякка тухса кайни. Чӑн та, ҫак социаллӑ темӑна кулӑш витӗр ҫутатнӑ.  Фильм авторӗ тата режиссерӗ - Чӑваш Республикин тава тивӗҫлӗ артисчӗ Виктор Петров. 

Хӗрлӗ Чутайри вӑтам шкулта вӗренекенсен ушкӑнӗ Раҫҫейри ҫамрӑксен спартакиадинче чи лайӑх 5 команда йышне кӗнӗ 

Вӗсем автомат салатса пуҫтарса, тӗл персе, туртӑнса тата 3 пин метра чупса ӑнӑҫлӑ ӑмӑртнӑ. 

"Уяв" фольклор ансамблӗ Раҫҫей халӑх пултарулӑхӗн тава тивӗҫлӗ коллективӗ" хисеплӗ ята тивӗҫнӗ 

Зинаида Козлова ертсе пыракан ушкӑн чӑваш халӑхӗн юрри-ташшипе йӑли-йӗркине сыхласа хӑварас тӗлӗшпе 35 ҫул ӗҫлет. 

Наци библиотекинче патриотла юрӑсен концерчӗ иртрӗ 

Ӑна хатӗрлекенӗсем Оперăпа балет театрĕн артисчĕсем. 

Раҫҫейре Тӑван ҫӗршыв паттӑрӗсен кунне паллӑ турӗҫ

Ҫавна май республикӑри шкулсенче те Паттӑрлӑх урокӗсем иртрӗҫ. Канаш районӗнчи Янкӑлч шкулӗнче вӗренекенсем хальхинче куҫа-куҫӑн мар пулин те хӑйсен ялӗнче ҫуралса ӳснӗ Раҫҫей Геройне, авиацин генерал-лейтенантне Николай Гаврилова сумлӑ уявпа саламларӗҫ. Ентешӗпе вӗсем онлайн меслетпе ҫыхӑнӑва тухрӗҫ.

Шупашкарта Пӗтӗм Раҫҫейри "Кӗслесен асамлӑ янӑравӗ" фестиваль иртрӗ

Ӗлӗкхи инструментпа калас ӑсталӑхпа паллаштарма ҫӗршывӑн тӗрлӗ регионӗнчен музыкантсем пуҫтарӑнчӗҫ.

Пенси фончӗн Шупашкарти уйрӑмӗнче документсемпе паллаштаракан курав йӗркеленӗ

Ӑна ведомство 30 ҫул тултарнине халалланӑ. Пенси тытӑмӗн историйӗ, паллах, вӑрӑмрах. Ҫакна типтерлӗн упранакан документсем ӗнентереҫҫӗ. 

Ҫӗршывра 29-мӗш хут Раштав вулавӗсем иртеҫҫӗ

Чӑваш Ен унта 10-мӗш ҫул хутшӑнать. Чӑваш митрополийӗ Культура тата Вӗренӳ министерствисем пулӑшнипе йӗркелекен ӗҫ-пуҫ кӑҫал халӑха ытти чухнехи пек йышлӑ пухаймасан та, Раштав вулавӗсен пӗлтерӗшӗ ӳссе кӑна пырать. 

Шупашкарти ҫемье хӑйӗн тӗслӗхӗпе нумай ачаллисем чи телейлисем пулнине ҫирӗплетет

Ултӑ ачана пӑхма йывӑр-и? Ҫак ыйтӑва Шиловсен час-часах илтме тивет. Вӗсем хула тата республика шайӗнче иртекен конкурссене хутшӑнма хавас. 

Шупашкарти Садовӑй микрорайонта пурӑнакансем канализаци шывӗ тапса тухнипе нушаланаҫҫӗ  

Кунти пӗр ҫуртра кашни уйӑхра тенӗ пек путвалсене каяш тулать. Хӑйсен нушипе хваттер хуҫисем ҫурта пӑхса тӑракан компанине те, хула администрацине те пӗрре мар ҫитнӗ, анчах йывӑрлӑха хӑҫан сиресси халӗ те паллӑ мар. 

Педагогсемпе поварсем шкул ачисене апат ҫитерес ӗҫе лайӑхлатасшӑн 

Вӗренӳ министерстви районсенче практикумсем ирттерет. Ун вӑхӑтӗнче Шупашкарти шкулсенче тӑрӑшакансем ялти ӗҫтешӗсене апат-ҫимӗҫе тӗрӗс упрама, документсене йӗркелеме вӗрентеҫҫӗ. Тӗп хулари 45-мӗш шкулти поварсемпе педагогсем Хӗрлӗ Чутай районӗнчи шкулсенче пулчӗҫ. 

Все
Спецпроекты
"Мы в домике"

Интернет-проект про перемены — к лучшему. Дизайн, переделка, перестановка, тестирование материалов для ремонта и умных гаджетов. Съемки в реальных условиях с людьми, экспертами и котиками.

Наша Победа

Проект ГТРК «Чувашия» посвящен 75-летию Великой Победы. Собран из цикла сюжетов и роликов, которые журналисты компании готовили совместно с нашими зрителями и пользователями соцсетей компании. Это наш общий проект и общий праздник.

100-летие Чувашской автономии

К юбилейной дате - 100-летию образования Чувашской автономной области, ГТРК "Чувашия" создает цикл роликов о важнейших вехах становления республики.