Ҫак пархатарлӑ ҫынсен йышӗнче Шупашкар районӗнче ҫуралса ӳснӗ Мария Колпакова та пулнӑ. Вӑрҫӑ ветеранӗ тахҫанах пирӗн хушӑра ҫук пулин те, унӑн паттӑрлӑхӗ тӑванӗсен асӗнче упранать. Галина Будаеван ашшӗ те, амӑшӗ те фронтра ҫапӑҫнӑ. Амӑшӗ медик пулнӑ. Ӑна - 20 ҫулхи хӗре вӑрҫӑ пуҫлансан тепӗр куннех ҫара илсе кайнӑ. 1145-мӗш эвакогоспитальте сурансене ҫыхакан медсестра пулнӑ. Унӑн сменинче нихӑҫан та пӗр салтак та вилмен.
Алексей Енейкин, Виктор Степанов, Владимир Синдеев