Ҫулталӑк пуҫланнӑранпа 64 ача стационара лекнӗ. Пурте вӗсем ятарласа йӗркелемен вырӑнта тюбингпа ярӑннӑ. Инкеке лекессе никам та шутламан. Ҫак хатӗрпе тӑвайккинчен пысӑк хӑвӑртлӑхпа шуса аннӑ чухне йывӑр суранланма пулать. Час-часах ачасем йывӑҫ-тӗм, ытти чӑрмав ҫине пырса ҫапӑнаҫҫӗ. Ҫурӑм шӑммине хуҫма та пулать. Ун пек чухне ачасем 2 - 3 уйӑх гипс корсечӗпе ҫӳреҫҫӗ. Ҫур ҫуллӑха вӗсене физкультурӑран хӑтараҫҫӗ. Реабилитаци тапхӑрӗ ҫулталӑка яхӑн тӑсӑлать.
Алёна Артёмкина, Вадим Владимиров
