Пирӗн пултарулӑх ушкӑнӗ Шупашкарти Петр Осипов ячӗллӗ пӗрремӗш больницӑра пулса курчӗ. Ирхине поликлиникӑна шӑнкӑравласа ҫитме питӗ йывӑр. Аптраса ӳкнисем тухтӑра киле чӗнеҫҫӗ. Кӑнтӑрла тӗлне ҫеҫ телефон линийӗ пушанать. Камӑн вара вӑйӗ пур - больницӑна хӑйсене тӗллӗн килеҫҫӗ. Тин кӑна вирус ҫаклатнисем валли хӗрлӗ зонӑра пӳлӗм йӗркеленӗ. Унта уйрӑм алӑкран кӗреҫҫӗ. Ҫакна ыттисене чирлеттерес мар тесе тунӑ.
Ку кӗркуннехи-хӗллели сезон тӗлне гриппран республикӑра пурӑнакансен 45 процентне вакцинациленӗ. Ковидран та прививка тӑваҫҫӗ. Лару-тӑру вара ҫивӗчленсех пырать. Раштав уйӑхӗн пуҫламӑшӗ тӗлне коронавирус инфекцийӗпе чирлекенсен шучӗ 1,3 вуннӑмӗш хут ӳснӗ. Вӗсенчен 61 проценчӗ Шупашкарта пурӑнакансем.
Надежда Александрова, Татьяна Иванова, Михаил Солин
