Коронавирус чирӗ сарӑлнӑ хушӑра чылай тӑрӑхра донорсен шучӗ чакнӑ. Республикӑри юн станцийӗнче те ҫакнах палӑртаҫҫӗ, кунсерен кунта 70 ҫынна йышӑнмалла. Ятарлӑ служба унччен районсене е предприятисене тухса ҫӳренӗ пулсан, халь ун пек май ҫук. Юн станцийӗнче донор пулас текенсене хӑрушсӑрлӑх йӗркине ҫирӗп пӑхӑнса йышӑнӑҫҫӗ: кашни килекене аллине дезинфекцилесен, ӳт температурине виҫсен кӑна ирттерсе яраҫҫӗ.
Ирина Николаева, Виктор Степанов
