Тӑрӑн ялӗнчи фельдшерпа акушер пунктне уҫма Сывлӑх сыхлавӗн министрӗ Владимир Степанов ҫитрӗ. Учреждение наци проекчӗпе килӗшӳллӗн хута янӑ. Ведомство ертӳҫин сӑмахӗпе, раштав уйӑхӗнче республикӑра 54 ҫӗнӗ ФАП ӗҫлеме тытӑнмалла. Вӗсенчен 5-шӗ Патӑрьел тӑрӑхӗнче. Шӑнкӑртамри ҫӗнӗ микрорайонта вара тухтӑр амбулаторийӗ уҫрӗҫ. Ку вӑл кунти ҫакнашкал иккӗмӗш учреждени. Ялӗ пысӑк - 6 пине яхӑн ҫын пурӑнать. Шанкӑртамра унсӑр пуҫне икӗ медицина пункчӗ пур. Анчах вӗсем ҫителӗксӗр пулнине кура тепӗр сиплев ҫурчӗ хута яма йышӑннӑ. Амбулаторири тухтӑрсем ялти 2 пине яхӑн ҫын сывлӑхне асӑрхаса тӑрӗҫ.
Алена Артемкина, Святослав Петров
