Прививкӑпа хӳтӗлениччен пациентӑн малтан терапевт патӗнче тӗрӗсленмелле. Тухтӑрсем вакцинӑна шприца илеҫҫӗ те ун тӑррине ятарлӑ хатӗр ҫирӗплетсе ӑна сӑмсана сирпӗтеҫҫӗ. Антителсем ҫирӗпленсен вӗсем ҫынна коронавирус инфекцийӗнчен хӳтӗлеҫҫӗ. Вакцинаци валли ятарласа хатӗрленмелле мар. Шала кайнӑ чирсемпе аптракансен хӑйсене лайӑх туйнӑ вӑхӑтра хӳтӗленмелле. Прививкӑна хулран тунӑ чухне ҫыннӑн инфекцирен пӗтӗмӗшле иммунитет ҫирӗпленет. Ӑна сӑмсана сирпӗтсен иммунитет клетка шайӗнче аталанать. Тухтӑрсем ҫапла майпа ревакцинаци тума сӗнеҫҫӗ. Сӑмсана яракан эмел - унчченхи Спутниках. Ҫавӑнпа пӗрремӗш прививка хыҫҫӑн теприне 3 эрне иртсен тӑваҫҫӗ.
Алена Артемкина, Татьяна Иванова, Игорь Ульянов
