Патӑрьел тӑрӑхӗнче тӗрӗслеве чылай маларах туса пӗтересшӗн. Ятарлӑ комисси иртнӗ эрнерех ӗҫе пуҫӑннӑ. Техника юсавлӑхне пӑхнипе пӗрлех, хуҫалӑхсемпе фермерсем мӗн чухлӗ вӑрлӑх, удобрени, ҫунтармалли-сӗрмелли материал хатӗрленине те шута илеҫҫӗ. Патӑрьелсем кӑҫал 36 пине яхӑн гектар ҫинче тӗрлӗ культура туса илесшӗн. Пӗтӗмӗшле пин те 500 трактор-машин пӑхса тухмалла. Хальлӗхе хуҫалӑхсем уй-хир ӗҫне лайӑх хатӗрленнине ҫирӗплетеҫҫӗ тӗрӗслекенсем. Техника паркӗ самай ҫӗнелни палӑрать.
Ирина Николаева
