Валерий Владимиров 20 ҫул ӗнтӗ Элӗк тӑрӑхӗнчи Тавӑтри вӑтам шкулта водительте тӑрӑшать. Ҫак вӑхӑтра вӑл ачасене КАВЗпа та, ПАЗикпе те турттарнӑ. Ҫӗнӗ "Газель-Некст" унчченхисенчен меллӗрех пуласса шанать вӑл.
"Газель-Некст" маркӑллисем пурӗ 40. Вӗсем 23 пассажира турттарма пултараҫҫӗ. Кашнинех хӑрушсӑрлӑх пиҫиххийӗсемпе тивӗҫтернӗ. Унсӑр пуҫне пӗчӗкрех автобуссем те пур. Вӗсенче 17 лармалли вырӑн таран. Икӗ автобус ҫӗнӗ маршрут тӑрӑх ҫӳреме пуҫлӗ. Ыттисем - киввисене ылмаштарӗҫ.
Надежда Александрова, Вадим Владимиров
