Подрядчик пӗлтӗр ҫулла ӗҫе пуҫӑннӑ. Графикпе ҫӗнелнӗ аслӑ ҫул ҫине транспорт кӑҫал чӳк уйӑхӗнче тухмалла. Ҫапах та 17 ҫухрӑма тӑсӑлакан лаптӑка палӑртнӑ вӑхӑтран маларах юсаса ҫитернӗ. Проект хакӗ - 1 миллиард та 500 миллион тенке яхӑн. Халӗ Куславкка районӗнчи трасса 4 йӗрлӗ. Ҫакӑ машинсене чӑрмавсӑр тата транспорт юхӑмӗ уйрӑмах вӑйлӑ чухне пӑкӑра лармасӑр ҫӳреме май парӗ, инкексен шучӗ те чакмалла. Унсӑр пуҫне 4 ҫул ҫаврӑнӑшӗ тунӑ.
Алиса Александрова, Вадим Владимиров
