Кӑҫал Шупашкар хулине "Хӑрушлӑхсӑр тата паха ҫулсем" наци проекчӗпе килӗшӳллӗн 1 миллиард тенкӗ ытла укҫа уйӑрнӑ. Вӑл шутран 431 миллиона яхӑн ҫул-йӗр юсаса тирпейлеме тӑккаланӑ. Пурӗ вӗсен тӑршшӗ 11 ҫухрӑм ҫурӑ пулнӑ. Ашмарин урамӗнче 15 пин тӑваткал метр ҫул тата 5 пин тӑваткал метр ытла тротуар йӗркене кӗртнӗ. Рабочисем ӗҫре ҫӗнӗ мелсемпе усӑ курнӑ.
Паянхи куна Ашмарин урамӗнчи ҫула тӗпрен ҫӗнетес ӗҫе вӗҫленӗ. Подряд организацийӗ тӗрӗслев вӑхӑтӗнче тупнӑ хӑш-пӗр ҫитменлӗхсене пӗтерес енӗпе тӑрӑшать.
Ҫуран ҫӳрекенсем те, водительсем те кунти улшӑнусене хаклама ӗлкӗрнӗ ӗнтӗ. Вӑл малтанхипе танлаштарсан самай меллӗрех пулнине палӑртаҫҫӗ.
Оксана Верликова, Андрей Шоклев
