Ҫӗнӗ Шупашкарти Андриян Николаев ячӗллӗ стадиона спорта юратакан пин ытла ҫын пуҫтарӑнчӗ. Старта профессионал спортсменсемпе пӗрлех садике ҫӳрекенсем, шкул ачисемпе студентсем, ветерансем, предприятисемпе организацисен ушкӑнӗсем, ҫемье командисем тухрӗҫ. Спорт уявне савӑнӑҫлӑ лару-тӑрура уҫнӑ хыҫҫӑн малтанах вип-чупу иртрӗ. Сывлӑх енчен хавшакраххисем те ӑмӑртуран айккинче юлмарӗҫ. Кӑҫал ҫӗнӗлӗх те пулчӗ - пӗрремӗш хут хӗрарӑмсен клубӗсем уйрӑм тупӑшрӗҫ. Тӗрлӗ ӑрӑва пӗтӗҫтерекен уявра ҫӗкленӳллӗ кӑмӑл-туйӑм хуҫаланчӗ. Мала тухнисене асӑнмалӑх парнесем, медальсемпе кубоксем парса чысларӗҫ.
Оксана Верликова, Виктор Степанов
