Аса илтеретӗп, Максим Питӗртен пӗлтӗр кӑрлач вӗҫӗнче ҫула тухнӑ. Вӑл Владивостока чупса ҫитме тӗллев лартнӑ. Унӑн тата 500 ытларах ҫухрӑм юлнӑ. Спортсмен 20 ытла регион хыҫа хӑварнӑ. Вӑл шутра - Мускав, Чулхула облаҫӗсем, Чӑваш Ен, Тутар, Пушкӑрт республикисем, Челябинск тӑрӑхӗ, Бурят республики тата ытти те. Максим 30 ҫулта. Вӑл Элӗк районӗнче ҫуралса ӳснӗ. Ҫӗнӗ Шупашкарти 2-мӗш спорт шкулӗнче ҫӑмӑл атлетика енӗпе ӑсталӑхне туптанӑ. Тӑтӑшах тӗрлӗ ӑмӑртӑва хутшӑннӑ, пӗрремӗш вӑрӑм дистанцие 16 ҫулта парӑнтарнӑ. Халӗ вӑл Питӗрти пӗр компанире инженер-механикре тӑрӑшать. Марафон чупма вӑл ятарлӑ отпуск илнӗ. Паянхи куна Максим Лучегорск хулинче.
Елена Дмитриева