Ҫынсен сывлӑхне ҫирӗплетес тӗллевпе йӗркеленӗ ҫӗнӗ ӗҫ-пуҫ ҫӗршыв президенчӗн грантне тивӗҫнӗ. Пӗрлешӗвӗн ертӳҫи Оксана Дьячук пӗлтернӗ тӑрӑх, ҫак проектӑн тӗп тӗллевӗ - ытларах ҫынна спорта явӑҫтарасси. Куллен тӗрлӗ хускану туни шӑм-шака ҫирӗплетет, чир-чӗре ҫӗнтерме пулӑшать, кӑмӑл-туйӑма та ҫӗклет. Программа ҫур ҫуллӑха. Паллах, эпидемине пула ун йӗркине улшӑнусем кӗртнӗ. Занятисене залра мар, уҫӑ сывлӑшра ирттереҫҫӗ.
Елена Дмитриева, Вячеслав Ильин
