Хӑйсен тӑрӑхӗнче ҫуралса ӳснӗ, пурнӑҫне спортпа ҫыхӑнтарса ҫитӗнӳ ҫулӗпе малтан-мала утнӑ ентешне ҫамрӑксем тӗслӗх вырӑнне хураҫҫӗ. Кӑҫалхипе 27-мӗш хут йӗркеленӗ уява Сӗнтӗрвӑрри районӗнчен те спортсменсем килсе ҫитрӗҫ. Хальхинче ӑмӑртӑва пурӗ 200 ытла ҫын хутшӑнчӗ. 12 ҫулти атлетсенчен пуҫласа 60-тан иртнисем таран. Ӑмӑртура 300, 500, 1000 метрлӑ дистанцие чупса ӑмӑртрӗҫ, чи хастаррисем 3 ҫухрӑма та ҫӑмӑллӑнах парӑнтарчӗҫ. Кашни ӳсӗмре ҫӗнтерӳҫӗсене палӑртса Александра Деверинская хатӗрленӗ паха парнесемпе, медальсемпе, дипломсемпе чысларӗҫ.
Алиса Александрова, Иван Макеев
