Спорта юратакан Треньелте ҫакӑн пек комплекс уҫӑлни таврари ялсемшӗн чӑннипех пысӑк уяв тата малалла ӑнтӑлма хистекен тӗслӗх. Уҫӑ тӳпе айӗнче футболла, баскетболла, волейболла выляма, чупса ӑмӑртма, тренажёрсемпе хул-ҫурӑма пиҫӗхтерме мӗнпур май пур. Пысӑк спортра пӗрремӗш утӑм тӑвакансемпе вӗсен вӗренекенӗсем "Эпир кун пек аслӑ стадион пирки ӗмӗтленме те пултарайман", теҫҫӗ. Спорт комплексне "Демографи" наци проекчӗн "Спорт - пурнӑҫ йӗрки" федераци программипе килӗшӳллӗн тунӑ. Хальлӗхе пурнӑҫа кӗрсе пӗтеймен тӗллевсем те пур-ха. Район администрацийӗн ертӳҫи каланӑ тӑрӑх, ҫумӑртан тата хӗрӳ хӗвелтен хӳтӗленме куракансем валли тӑрӑ витесшӗн, ҫутӑ кӗртесшӗн, тум улӑштармалли пӳлӗмсем те кирлӗ.
Марина Карягина, Олег Цыпленков
