Геннадий Смирнов Канаш тӑрӑхӗнчи Ҫӑлпуҫ ялӗнче ҫуралса ӳснӗ. Ирӗклӗ майпа кӗрешес енӗпе СССР спорт мастерӗ, Чӑваш Ен чемпионӗ пулнӑ. Ҫавӑн пекех сумлӑ тренер нумай ҫамрӑка спортра ҫитӗнӳ тума пулӑшнӑ. Вӑл йышра - тӗнче класлӑ СССР спорт мастерӗ, Европа чемпионачӗн призёрӗ Иван Григорьев. Унсӑр пуҫне Геннадий Никифорович ирӗклӗ майпа кӗрешекенсен шкулне йӗркеленӗ, 1958-мӗш ҫулта Канашри ача-пӑча спорт шкулӗнче кӗрешӳ уйрӑмне уҫнӑ. Кӑҫалхи ӑмӑртӑва 16 регионти 100 ытла ҫамрӑк хутшӑнчӗ. Пурӗ 12 виҫе категорийӗнче тупӑшрӗҫ. Спортсменсем пурте лайӑх хатӗрленсе килнӗрен ӑмӑрту хӗрӳ иртрӗ. Малти вырӑнсем йышӑннисене дипломсемпе кубоксем парса чысларӗҫ
Надежда Александрова, Иван Макеев
