Хальхи вӑхӑтра ипподромра хатӗрленӳ ӗҫӗсем пыраҫҫӗ. Кӑҫал ӑмарту 10-мӗш хут иртӗ. Ҫавна май куракансен йышӗ те пӗлтӗрхинчен пысӑкрах пуласса кӗтеҫҫӗ йӗркелӳҫӗсем. Пӗлтӗр, сӑмахран, лашасен чупӑвне сӑнама 32 пин ҫын пуҫтарӑннӑ. Спортсменсем халӗ хӗрсе кайса старта тухма хатӗрленеҫҫӗ.
70 ҫулти Алексей Краснов пӗлтӗрхи ӑмӑртура хӑйӗн лашипе иккӗмӗш пулнӑ. Ҫӗнтерӳҫӗ ята ҫӗнсе илнӗ "Зов Предков РМ" ӑйӑра иккӗ ҫӗрмӗш ҫеккунт ҫеҫ мала ирттернӗ вӑл. Кӑҫал Алексей Егорович "Патриот" урхамахӗпе хутшӑнса лайӑх кӑтартусем тӑвасса шанать.
Кӑҫалхи пӗтӗмӗшле парне фончӗ - 2 миллион та 200 пин тенкӗ. Ӑна виҫӗ номинацире валеҫӗҫ. Старта ут кӳлсе ӑмӑртакансем ыран 15 сехетре тухӗҫ.
Оксана Верликова, Вячеслав Ильин
