Ку ӑмӑрту 9-мӗш ҫул республикӑри чи пултаруллӑ спортсменсене пуҫтарать. Валерий Кочков тренерсемпе ҫамрӑксемшӗн паян та тӗслӗх вырӑнӗнче. Вӑл Етӗрне районӗнчи Ишеккасси ялӗнче ҫуралса ӳснӗ, Шупашкарти ача-пӑча спорт шкулӗнче ӑсталӑхне туптанӑ. Вӗреннӗ вӑхӑтра тӗрлӗ ӑмӑртӑва хутшӑннӑ, республика чемпионӗ ята тивӗҫнӗ. Диплом алла илсен кӗрешӳ енӗпе тренерта ӗҫлеме пуҫланӑ. Валерий Кочков чылай ҫамрӑка спортпа туслаштарнӑ, ҫунат сарма пулӑшнӑ. Ӑмӑрту тивӗҫлӗ шайра иртнине ҫирӗплетрӗҫ пуҫтарӑннисем. Ҫӗнтерӳҫӗсене 9 виҫе ушкӑнӗнче палӑртрӗҫ. Вӗсене медальсемпе тата парнесемпе чысларӗҫ.
Елена Дмитриева, Иван Макеев
