Платон Давыдов 30 ҫул ытла районти "Ударник" хуҫалӑха ӑнӑҫлӑ ертсе пынӑ, тӑван тӑрӑх аталанӑвӗшӗн ырми-канми тӑрӑшнӑ. Турнира савӑнӑҫлӑ лару-тӑрура уҫма хисеплӗ хӑнасем, Платон Павловичӑн тӑванӗсем хутшӑнчӗҫ. Хӗрӳ тупӑшу вара каҫченех пычӗ. Кубока "Lava" ушкӑн выляса илчӗ. 2-мӗш вырӑна "Моргауши" ушкӑн тухрӗ. 3-мӗшӗнче "Скала" команда волейболисчӗсем. Ҫавӑн пекех чи лайӑх вылякансене уйрӑм палӑртрӗҫ. Ҫӗнтерӳҫӗсене кубоксем, медальсем тата асӑнмалӑх парнесем парса хавхалантарчӗҫ.
Диана Иванова, Вячеслав Ильин
