Красноармейскинче шкул ачисем хушшинче сӗтелҫи теннисла выляс енӗпе ку турнира 2013-мӗш ҫултанпа ирттереҫҫӗ. Спортсменсем ҫулталӑкне икӗ хутчен - кӗркунне тата ҫуркунне тӗл пулаҫҫӗ. Ӑмӑртӑва хутшӑнакансен шучӗ хальхинче те йышлӑ пулчӗ - пӗтӗмпе 60 яхӑн ача вӑй виҫрӗ.
Турнира Красноармейски тӑрӑхӗнчи сӗтелҫи теннис федерацин президенчӗ Виктор Николаев пуҫарӑвӗпе йӗркеленӗ. "Ӑмӑртусен тӗп тӗллевӗ - ҫитӗнекен ӑрӑва ҫак спорт тӗсне явӑҫтарасси, спортсменсен ӑсталӑхне ӳстерме майсем туса парасси", - палӑртаҫҫӗ йӗркелӳҫӗсем.
Елена Дмитриева, Юрий Васильев
