Сывӑ пурнӑҫ йӗркине кӑмӑллакансене те, йӗркелӳҫӗсене ҫанталӑк савӑнтарчӗ. Хӗвеллӗ те ӑшӑ кун, уҫӑ сывлӑш тата таса шыв - спортсменсене ҫитӗнӳ тума хавхалантарчӗ. Атӑла парӑнтарма 45 ҫын кӑмӑл тунӑ. Вӗсене 3 ушкӑна пайланӑ. Спортсмен-профессионалсене шурӑ тӗслӗ калпакпа, ишме юратакансене - хӗрлипе, тин кӑна ҫак спорта явӑҫнисене вара сарӑ тӗслипе тивӗҫтерчӗҫ. Ҫапла майпа ӑмӑрту хӑрушсӑрлӑхӗшӗн яваплисене хӑйсен тивӗҫне пурнӑҫлама ҫӑмӑл пулчӗ.
Надежда Александрова, Вячеслав Ильин
