Республикӑри "Кӗрешӳ" центрӗ 11-мӗш спорт шкулӗн никӗсӗ ҫинче уҫӑлнӑ. Хальлӗхе кунта тӗрлӗ енлӗ каратэ, киокушин, хутӑш тата хӗвел тухӑҫ кӗрешӗвӗсен, панкратион, кудо спорт тӗсӗсене уҫнӑ. Малашне наци кӗрешӗвӗн ытти спорт енне те аталантарас тӗллевлӗ.
Центрта 500 ытла спортсмен хатӗрленме пултарать. Вӗсен ӑсталӑхӗпе вӑй-хӑватне 10 тренер туптать.
Уява пуҫтарӑннӑ хӑнасем "Кӗрешӳ" центр ӗҫӗ-хӗлӗпе, унта хатӗрленекен спортсменсемпе курса калаҫрӗҫ, ҫитӗнӗвӗсемпе паллашрӗҫ.
Наци спорт тӗсне туптама пулӑшакан центрта малтанхи хатӗрленӳсем, вӗренӳпе тренировка ӗҫӗсем пулса пырӗҫ. Ҫавӑн пекех республикӑн тата Раҫҫейӗн пӗрлештернӗ ушкӑнӗсем валли спортсменсене суйлӗҫ.
Оксана Верликова, Денис Пахмутов, Святослав Петров
